Samsung kompaniýasynyň häzirki strategiýasy köplenç Apple-yň ädimlerine esaslanýar. Meşhur insaýder Ice Universe-iň habar bermegine görä, Apple-yň girizýän islendik täzeçilligi derrew Günorta Koreýanyň tehnologiýa ägirdiniň meýilnamalaryna täsir edýär. Munuň iň täze mysaly — Galaxy S27 modelinde kamerasynyň üýtgeýän diafragmasynyň gaýtadan peýda bolmagydyr.
ETNews neşiriniň berýän maglumatyna görä, iPhone 18 Pro modeliniň üýtgeýän diafragmaly kamera bilen enjamlaşdyrylyp bilinjekdigi baradaky habarlar Samsung-y hem herekete getirdi. Kompaniýa eýýäm öz üpjünçilerinden degişli komponentleri döretmegi we synagdan geçirmegi talap etdi. Bu işe "Samsung Electro-Mechanics" we "MCNEX" ýaly esasy şereketler çekildi.
Samsung-yň bu çemeleşmesi Apple-yň islendik ädiminiň, aýratyn-da flagman modellerindäki täzeçillikleriň Samsung-yň önümçilik zynjyrynda nähili çalt täsir döredýändigini görkezýär.
Insaýderiň bellemegine görä, bu ýagdaý diňe kameralar bilen çäklenmeýär. Apple titan korpusa geçende, Samsung hem derrew bu ugry saýlady.
Apple titandan ýüz öwürmek barada karara gelende, Samsung-yň hem meýilnamalaryny çalt üýtgedendigi mälim edildi.
