Esquire neşiri «Spider-Noir» («Möý-Nuar») serialyndan ilkinji suratlary çap etdi.
Sekiz bölümden ybarat bolan birinji möwsüm şu ýylyň baharynda Prime Video platformasynda görkezilip başlanar (anyk senesi heniz belli däl). Döredijileriň bellemegine görä, tomaşaçylar bir wagtyň özünde serialyň reňkli hem-de nusgawy nuar filmlerine öýkünýän ak-gara görnüşine tomaşa edip bilerler.
Täze taslama «Möý-adam» äleminiň spin-offy bolup, wakalar geçen asyryň 30-njy ýyllarynda parahorlyga we jenaýata çümen Nýu-Ýorkda bolup geçýär.
Serialyň baş gahrymany - garrap barýan şahsy aňtawçy Ben Raýli (onuň keşbini Nikolas Keýj janlandyrýar). Ol geçmişi bilen bagly dildüwşügiň arasyna düşýär. Wakalar ony jenaýat dünýäsiniň belli şahsyýeti Silwermeýn (Brendan Glison) bilen ýüzbe-ýüz edýär.
Nikolas Keýjiň gahrymany özüni alyp barşy we daş keşbi bilen meşhur aktýor Hamfri Bogartyň kinodaky keşplerini ýada salýar.
Aýtmaklaryna görä, baş gahrymanyň lakamyna «Möý-adam» däl-de, diňe «Möý» (Tha Spider) diýler. Bu ýagdaý Marvel-iň ygtyýarnama meselesi bilen bagly bolman, eýsem «Ar alyjylar» (The Spirit) we «Kölege» (The Shadow) filmlerindäki klassiki nuar supergahrymanlaryna özboluşly salgylanmadyr.
Täze «Spider-Noir» serialynyň ilkinji suratlary çap edildi: baş keşbi Nikolas Keýj ýerine ýetirýär
- 12.02.2026 09:07
- 1.8k+
