2026-njy ýylyň 9-njy fewralynda Türkmenistanyň Owganystandaky Baş konsuly B. Kabaýew (Mazary-Şarif şäheri) Owganystanyň Balh welaýatynyň häkimi Mohammad Ýusuf Wafa bilen duşuşdy. Bu barada Türkmenistanyň DIM-niň metbugat gullugy habar berdi.
Gepleşikleriň dowamynda taraplar ikitaraplaýyn hyzmatdaşlygy ösdürmegiň meseleleri boýunça pikir alyşdy. Söwda-ykdysady gatnaşyklara, ulag-üstaşyr hyzmatdaşlygyna, energetika ulgamyna, şeýle hem iki ýurduň arasyndaky dostlukly gatnaşyklara esaslanýan iri düzümleýin taslamalaryň durmuşa geçirilmegine üns berildi.
Taraplar 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip yglan edilmegi mynasybetli Türkmenistanda geçirilýän çäreler barada durup geçdi. Şeýle hem Türkmenistanyň Garaşsyzlygynyň 35 ýyllygy bilen bagly öňde duran wakalaryň ähmiýeti bellenildi.
Türkmenistanyň Baş konsuly Owganystanyň Balh welaýatynyň häkimi bilen duşuşdy
- 11.02.2026 13:09
- 8.9k+
