Blackpink k-pop toparynyň aýdymçysy Lisa Netflix tarapyndan taýýarlanylýan romantik komediýada keşp janlandyrar. Bu barada Elle žurnaly habar berýär.
Bu film aýdymçynyň ikinji aktýorlyk işi bolar. Ol ekrandaky ilkinji ädimi «Ak lotos» serialynyň üçünji möwsümindäki Mukuň keşbinde ädipdi.
Lisa täze filmiň üstünde ady agzalan serialyň prodýuseri Dewid Bernad bilen bilelikde işleýär. Neşiriň maglumatyna görä, täze filmiň ideýasy hem olaryň hut şol serialy surata düşüren döwürleri döräpdir.
Taslamanyň esaslandyryjylaryny 1990-njy ýyllaryň nusgawy romantik komediýalaryna, aýratyn-da «Notting Hill» filmine bolan gyzyklanma birleşdirdi. Şondan soňra bu işe ssenariýaçy Keti Silberman hem goşuldy. Filmiň sýužeti, çykjak senesi we aktýorlar düzümi barada entek doly maglumat berilmeýär.
Bulardan başga-da aýdymçy gyz HBO-nyň söweşjeň filminde-de surata düşýär we Netflix-iň geljekki taslamalarynyň biri bolan «Taýgo» (Taigo) atly ekşn-filminde hem peýda bolar.
Blackpink toparyndaky Lisa komediýada surata düşer
- 08.02.2026 13:15
- 2.9k+
