Netflix Stiwen Spilbergiň «Dinozawrlar» atly dokumental serialynyň treýlerini görkezdi

Netflix Stiwen Spilbergiň prodýuserligindäki «Dinozawrlar» («Динозавры») dokumental serialynyň ilkinji kadrlaryny we treýlerini görkezdi. Filmi meşhur aktýor Morgan Frimen seslendiripdir.
Platformanyň beýanatynda aýdylyşy ýaly, «Dinozawrlar» tomaşaçylara «dünýäniň ýitirim bolan eýýamyna syýahaty» hödürleýär. Serial ýüz millionlarça ýylyň dowamynda dinozawrlaryň emele gelşi we ösüşi, şeýle hem nesliniň kesilmegi barada gürrüň berer. Treýlerde marazuh, plateozawr, mamenisizawr, tirannozawr, pliozawr, anhiornis we longipteriks ýaly taryhdan öňki ägirt ýyrtyjylary görüp bolýar.
Serialyň wizual effektleriniň we animasiýasynyň üstünde Jorj Lukas tarapyndan esaslandyrylan Industrial Light & Magic studiýasy işledi. Spilberg we Lukas öňem iri kino taslamalarynda, şeýle hem dinozawrlara bagyşlanan «Ýura eýýamynyň seýilgähi» («Парк Юрского периода») franşizasynyň filmlerinde hyzmatdaşlyk edipdiler. Taslamanyň önümçilik hysyrdylaryny «Biziň planetamyzdaky durmuş» («Жизнь на нашей планете») serialynyň üstünde işlän topar – Amblin Documentaries bilen Silverback Films öz üstüne aldy.
Hersi bir sagat dowam edýän dört bölümden ybarat «Dinozawrlaryň» şouranneri — Den Tapster, režissýory— Nik Şulingin-Jordon boldy. Prodýuserleriň we režissýorlaryň hatarynda Jolion Satkliff, Ember Çerri Iýms we Darren Wilýams hem bar. Sazyny ýazan Lorn Balfdyr.
Serialyň premýerasy 2026-njy ýylyň 6-njy martynda Netflix-de görkeziler.