Režissýor M.Naýt Şýamalanyň ýazyjy Nikolas Sparks bilen bilelikde döreden hekaýasyna esaslanýan täze filmi 2027-nji ýylyň Walentin gününe gabatlanyp ekranlara çykar. Bu barada The Hollywood Reporter neşiri habar berýär.
"Remain" atly film 2027-nji ýylyň 5-nji fewralynda prokata çykar. Bu bolsa filmiň premýerasynyň deslapky meýilleşdirilen wagtyndan takmynan 3,5 aý yza süýşürilendigini aňladýar. Taslamanyň prokaty bilen Warner Bros. Pictures kompaniýasy meşgullanar.
Filmde baş keşpleri Jeýk Jillenhol we Fibi Daýnewor janlandyrýarlar. Taslama adaty bolmadyk "üstünlikli romantiki triller" hökmünde häsiýetlendirilýär.
Sýužet ýordumyna laýyklykda, filmiň wakalary nýu-ýorkly arhitektor Teýt Donowanyň töwereginde bolup geçýär. Ol iň ýakyn dosty üçin tomusky öýüň taslamasyny düzmek maksady bilen Keýp-Kod ýarym adasyna gidýär. Gahryman agyr depressiýadan soňra dikeldiş döwrüni başyndan geçirip, gyz doganynyň ölümi bilen ýüze çykan sarsgyndan soň täze durmuşa başlamaga synanyşýar. Ol ýerde ol özüniň tertipli we adaty dünýäsini bütinleý üýtgeden Ren atly ýaş zenan bilen tanyşýar.
Şýamalan we Aşwin Rajan Blinding Edge Pictures kompaniýasy arkaly Mark Biýenstok we Tereza Park bilen bilelikde filme prodýuserlik edýärler. Nikolas Sparks bolsa taslamanyň ýerine ýetiriji prodýuseri bolup çykyş edýär we häzirki wagtda filmiň esasyny beýan edýän "Remain" atly kitabyny neşir etmäge taýýarlanýar.
