Prime Video striming hyzmaty režissýor Gaý Riçiniň «Ýaş Şerlok» atly täze serialynyň resmi treýlerini görkezdi. Taslamanyň ilkinji premýerasy 2026-njy ýylyň 4-nji martyna meýilleşdirildi.
Serialda baş keşbi — ýaş Şerlok Holmsy «Soň» («После») kinofranşizasy arkaly tanalýan aktýor Hiro Faýns Tiffin oýnady.
Eseriň wakalary 1870-nji ýylda Oksfordda bolup geçýär. Ýaş Şerlok durmuşyny düýpgöter üýtgedýän uly dildüwşük bilen ýüzbe-ýüz bolýar.
Seriala Kolin Fýort, Jozef Faýns (Şerlogyň kakasynyň keşbinde), Nataşa Makelhoun (ejesiniň keşbinde), Donal Finn (Moriarti), Maks Aýrons (Maýkroft Holms) we beýlekiler gatnaşdy.
Serialyň birinji möwsümi sekiz bölümden ybarat bolar. Taslama meşhur detektiwiň ýaşlyk ýyllaryny görkezmegi we tomaşaçylary onuň häsiýetiniň hem-de derňew usullarynyň kemala gelmegine täsir eden wakalar bilen tanyşdyrmagy wada berýär.
Gaý Riçiniň «Ýaş Şerlok» serialynyň resmi treýleri çykdy
- şu gün 15:56
- 372
