YouTube wideo hyzmaty emeli aňyň esasynda awtomatik dublýaž funksiýasy üçin birnäçe täzelenmeleri yglan etdi. Indi bu hyzmat ähli ulanyjylar üçin elýeterli we 27 dili goldaýar.
YouTube 2024-nji ýylda emeli aň arkaly awtomatik ses bermek funksiýasyny tanyşdyryp, ony diňe synag toparyndaky awtorlar üçin elýeterli edipdi. Soňra, 2025-nji ýylyň sentýabrynda dublýaž hyzmaty dünýädäki millionlarça kontent döredijiler üçin elýeterli boldy. Indi bolsa bu mümkinçilikden islendik adam peýdalanyp biler.
YouTube emeli aňyň kömegi bilen awtomatik dublýaž funksiýasynyň ulanylmagynyň wideonyň asyl nusgasynyň algoritmler tarapyndan tapylmagyna päsgel bermeýändigini, tersine, onuň beýleki dillerde tapylmagyny has-da gowulandyryp biljekdigini belledi. Emeli aň dublýažyny halamaýan awtorlar öňküsi ýaly öz ses bermelerini ulanyp biler. Tomaşaçylara bolsa bu hyzmaty ulanmak üçin sazlamalar belgisine basyp, «Audio Tracks» (Звуковая дорожка) punktyny saýlamak ýeterlikdir.
Häzirki wagtda sekiz dil üçin Expressive Speech funksiýasy elýeterli — ol işjeňleşdirilen ýagdaýynda emeli aň awtoryň ses äheňini we duýgularyny bermäge çalyşýar. Mundan başga-da, platforma Lip Sync diýlip atlandyrylýan täze hyzmaty synagdan geçirýär. Ol gürleýän adamyň dodaklarynyň hereketini terjime edilen ses bilen gabat getirmäge mümkinçilik berer.
YouTube-da wideolaryň awtomatik EA-dublýažy ähli ulanyjylar üçin elýeterli boldy
- düýn 23:24
- 419
