Canal+ teleýaýlymynyň žurnalistleri XXI asyryň iň gowy derwezebanlarynyň reýtingini düzdüler. Birinji orny Mýunheniň «Bawariýasynda» oýnaýan nemes golkiperi Manuel Noýer eýeledi.
Ikinji orunda Italiýanyň milli ýygyndysynyň we Turiniň «Ýuwentus» toparynyň öňki derwezebany Janluiji Buffon ýerleşdi.
Üçünji orny Madridiň «Realynyň» düzüminde çykyş edýän belgiýaly derwezeban Tibo Kurtua eýeledi.
Şeýle-de XXI asyryň iň güýçli on derwezebanynyň hataryna ispaniýaly Iker Kasilýas, nemes Oliwer Kan, çehiýaly Pýotr Çeh, niderlandly Edwin wan der Sar, fransuzlar Fabýen Bartez we Ugo Lýoris, şeýle hem kosta-rikaly Keýlor Nawas girdi.
Bu reýting oýunçylaryň XXI asyryň dowamynda klublarda we milli ýygyndylarda gazanan üstünliklerini özünde jemleýär hem-de olaryň milli çempionatlardaky, Çempionlar ligasyndaky we iri halkara ýaryşlaryndaky çykyşlaryna esaslanýar.
Canal+ XXI asyryň iň gowy derwezebanlarynyň adyny yglan etdi
- 06.02.2026 16:36
- 5.7k+
