Prezident Serdar Berdimuhamedow Täze Zelandiýanyň milli baýramy — Waýtangi güni mynasybetli General-gubernator hanym Sindi Kiro we ýurduň halkyna tüýs ýürekden gutlaglaryny ýollady.
Gutlag hatynda Döwlet Baştutany hanym Sindi Kiro berk jan saglyk, bagtyýarlyk we abadançylyk arzuw etdi. Şeýle hem Türkmenistanyň Prezidenti dostlukly Täze Zelandiýanyň halkyna parahatçylyk, öňegidişlik hem-de mundan beýläk-de rowaçlanmagy baradaky iň gowy arzuwlaryny beýan etdi.
Waýtangi güni Täze Zelandiýanyň iň ähmiýetli milli baýramy bolup, ol 1840-njy ýylda maori taýpalarynyň serdarlary bilen Beýik Britaniýanyň wekilleriniň arasynda taryhy şertnamanyň baglaşylmagyny alamatlandyrýar. Bu senenama ýurduň döwletliliginiň binýady we häzirkizaman Täze Zelandiýanyň emele gelmeginiň başlangyjy hökmünde uly dabara bilen bellenilip geçilýär.
Serdar Berdimuhamedow Täze Zelandiýanyň General-gubernatoryny Waýtangi güni bilen gutlady
- 06.02.2026 11:56
- 3k+
