Türkmenistanyň Futbol federasiýasy Merkezi Aziýanyň Futbol assosiasiýasy (CAFA) bilen bilelikde VAR ulgamyny özleşdirmek boýunça okuw maslahatyny gurnady. Bu barada sebit guramasynyň metbugat gullugy habar berýär.
Bu başlangyç futbolda döwrebap wideotehnologiýalaryň ornaşdyrylýan döwründe eminler düzüminiň hünär derejesini ýokarlandyrmaga gönükdirilendir.
Okuw maslahatyny FIFA-nyň emininiň öňki kömekçisi we häzirki wagtda eminleriň gözegçisi bolan Jahongir Saidow alyp barýar. Okuwa gatnaşyjylar VAR ulgamynyň işleýşini, meýdançada ýüze çykýan ýagdaýlara laýyklykda çözgüt kabul etmegi öwrenýär, jedelli oýun pursatlaryny seljerýär we wideo-gaýtalamalaryny ulanmagyň taktiki taraplaryny özleşdirýär.
Taslama sebitde eminlik kadalaryny ösdürmekde we milli futbol federasiýalary bilen hyzmatdaşlygy berkitmekde möhüm ädim bolar.
Türkmenistanda VAR eminlerini taýýarlamak boýunça okuw maslahaty başlandy
- 05.02.2026 20:52
- 5.6k+
