Türkmenistanyň Daşary işler ministrliginiň Halkara gatnaşyklary instituty (HGI) Koreýa Respublikasyndan umumy bahasy 220 müň ABŞ dollaryna deň bolan tehniki enjamlary kabul etdi. Gowşuryş dabarasy 3-nji fewralda, 2025-nji ýyl üçin kiçi göwrümli resmi kömek maksatnamasynyň (ODA) çäklerinde geçirildi.
Çärä Koreýa Respublikasynyň ynanylan wekili Kim Jun Çhol we Türkmenistanyň DIM-niň Halkara gatnaşyklary institutynyň rektory Gülşat Ýusupowa gatnaşdy.
Bu başlangyç ýurduň durmuş-ykdysady ösüşine ýardam berýän taslamalara maddy goldaw bermäge gönükdirilendir. Gowşurylan enjamlar halkara kömek maksatnamasynyň maksatlaryna laýyklykda, ýokary okuw mekdebiniň tehniki binýadyny kämilleşdirmäge niýetlenendir.
Duşuşygyň dowamynda resmi wekiller şu ýylda ikitaraplaýyn gatnaşyklary mundan beýläk-de berkitmegiň mümkinçiliklerini ara alyp maslahatlaşdy. Taraplar meýilleşdirilen bilelikdäki çäreleri durmuşa geçirmekde işjeň hyzmatdaşlyk etmäge taýýardyklaryny tassyklady.
Günorta Koreýa Türkmenistanyň DIM-niň HGI-ne 220 müň dollarlyk tehniki enjamlary gowşurdy
- 04.02.2026 12:32
- 5.9k+
