Netflix 21-nji martda Günorta Koreýanyň BTS pop-toparynyň 2022-nji ýyldan bäri ilkinji konsertiniň göni ýaýlymyny geçirer. Bu barada striming hyzmaty X sosial ulgamynda habar berdi.
Seuldaky çykyş Günorta Koreýanyň taryhynda tutuş dünýäde tomaşa etmek üçin elýeterli boljak ilkinji göni ýaýlym bolar.
Çäre toparyň «Arirang» atly täze albomynyň çykmagyndan bir gün soňra bolar. Şüweleňiň režissýory edilip 2010-njy ýyldan bäri ABŞ-nyň Superkubogynyň arakesmelerindäki programmalaryň köpüsiniň üstünde işlän Hemiş Hemilton bellenildi.
27-nji martda platformada režissýor Bao Nguýeniň «BTS: Gaýdyp geliş» atly dokumental filmi çykar. Filmde sazyň ýazylyşy we artistleriň işlerini gaýtadan başlamaga taýýarlyk görüşleri görkeziler. Metbugat beýanatynda kollektiwiň agzalarynyň «özleriniň häzirki ýagdaýyny beýan edýän täze sazlary we öz döwri üçin uly ähmiýetli boljak albom döredýändikleri» bellenilýär.
Toparyň agzalary Günorta Koreýada hökmany bolan harby gullugy tamamlanlaryndan soň gaýtadan birleşdiler. Aprel aýynda BTS Aziýa, Ýewropa, Awstraliýa, Demirgazyk we Günorta Amerika ýurtlaryny öz içine alýan dünýä syýahatyna başlamagy meýilleşdirýär. 2027-nji ýyla çenli dowam etjek syýahatyň çäginde 79-dan gowrak çykyşyň geçirilmegi meýilleşdirilýär.
