Apple-iň öňümizdäki güýz paslynda özüniň ilkinji eplenýän smartfony bolan iPhone Fold modelini çykarmagy meýilleşdirýändigi öňden belli. Indi üpjünçilik zynjyryndan alnan täze maglumatlara görä, täze model kompaniýa üçin rekord dereje bolan 5500 mAs göwrümli akkumulýatora eýe boljakdygy anyklanyldy.
Enjam iPhone 18 seriýasy bilen bir wagtyň özünde çykar we kompaniýanyň taryhyndaky tehnologik taýdan iň kämil model bolar.
Gatlakly göwrümi saklamak bilen ýokary awtonomlylyk kremniý-uglerod anod tehnologiýasy arkaly amala aşyrylar. Deňeşdirmeli bolsa, Hytaý bazary üçin niýetlenen iPhone 17 Pro Max modeliniň batareýa göwrümi 4823 mAs-a deňdir.
iPhone Fold modeliniň tehniki aýratynlyklarynda Samsung tarapyndan öndürilen, 120 Gs täzeleniş ýygylygy bolan 7,8 dýuýmlyk içki LTPO OLED ekrany we 5,3 dýuýmlyk daşky ekrany göz öňünde tutulýar. Enjamyň apparat esasyny Apple A20 Pro prosessory emele getirer. Face ID ulgamynyň ýerine işläp düzüjiler gapdal tarapda ýerleşen barmak yzy skanerini ulanmagy meýilleşdirýärler. Smartfon şeýle-de 48 Mp durulygyndaky goşa esasy kamera bilen enjamlaşdyrylar.
JPMorgan Chase-iň seljerijileriniň çaklamalaryna görä, enjamyň binýatlyk nusgasynyň bahasy takmynan 2000 dollar bolar. Iň ýokary görkezijili nusgasynyň bahasy bolsa 2500 dollardan hem gymmat bolmagy ahmal.
Eplenýän iPhone Fold Apple-iň taryhyndaky iň uly akkumulýatora eýe bolar
- 04.02.2026 09:14
- 2.6k+
