Lionsgate Movies kinokompaniýasy Maýkl Jekson baradaky terjimehal filmiň täze treýlerini hödürledi. Onda baş keşbi sazandanyň ýegeni Jafar Jekson janlandyrýar. Film ilkinji gezek kinoteatrlarda 24-nji aprelde görkeziler.
Täze film pop-aýdymçynyň durmuşy we döredijiligi barada gürrüň berer. Ondaky aktýorlar düzümine Kolman Domingo, Nia Long, Maýls Teller, Lora Herriýer we başgalar girdi.
«Men ony taýynlykda görenimde, haýran galmakdan ýaňa demim tutuldy. Jafaryň merhum daýysynyň keşbine girişi, özgerişi örän täsin. Onuň zehini we Maýklyň keşbini janlandyryşy düýbünden başga bir derejedäki bir zat» diýip, aýdymçynyň kakasy Jo Jeksonyň keşbini janlandyran Kolman Domingo Jafaryň ussatlygy barada gürrüň berýär.
Filmiň režissýory «Sazlaýjy» («Великий уравнитель») we «Türgenleşik güni» («Тренировочный день») filmleri bilen tanalýan Antuan Fukua boldy. Filmiň ssenarisini ýazan «Oskar» baýragyna üç gezek dalaşgär bolan Jon Logandyr.
«Agyn daýysy!»: Maýkl Jekson hakdaky filmiň täze treýleri görkezildi
- 04.02.2026 07:55
- 2.3k+
