Režissýor Jeýms Wan «Byçgy» («Пила») horror-franşizasynyň nobatdaky bölümini surata düşürer. Täze filmiň ssenarisini Li Uonnell ýazar. Bu barada «UPI» neşiri habar berýär. Awtorlar bu taslama gaýdyp gelmek meýilleri barada «Sandens» festiwalynda asyl filmiň ýörite görkezilişi wagtynda yglan etdiler.
Jeýms Wan täze bölümde esasy ünsi gapma-garşylyk döretmäge we ony garaşylmadyk final öwrümlerine gönükdirmegi meýilleşdirýär. Şunda filmiň öňki bölümlerinde emele gelen "kino älemi" hem göz öňünde tutular. Režissýor agdyklyk edýän wagşylykdan däl-de, has "akylly" we manyly hekaýadan peýdalanmakçy bolýar.
«Biz birinji filmiň ruhuna dolanmak isleýäris. Biz hakykatdan hem gorkuly ýene bir "Byçgyny" döretmek isleýäris» — diýip, Jeýms Wan belledi.
Jeýms Wan diňe birinji bölümiň režissýory bolupdy, soňra bolsa ol ýerine ýetiriji prodýuser wezipesini ýerine ýetirdi. Li Uonnell bolsa seriýanyň ilkinji üç filminiň ssenarisini ýazypdy.
Ýatladyp geçsek, bu tapgyryň iň soňky taslamasy bolan we baş keşbi Tobin Bell tarapyndan janlandyrylan «Byçgy X» filmi 2023-nji ýylyň güýzünde ekrana çykypdy. Ol «Rotten Tomatoes» saýtynda 81% oňyn seslenme alyp, uly meşhurlyga eýe bolupdy.
