International IQ Test guramasynyň täze hasabatyna görä, Günorta Koreýa ortaça intellekt koeffisienti boýunça dünýäde birinji orny eýeledi. Hasabat 137 ýurtdan we çäkden 1,2 million adamyň gatnaşmagynda geçirilen testleriň netijelerine esaslanýar.
Gözleg işinde ähli gatnaşyjylara intellektual ukyplary ölçemek üçin birmeňzeş tabşyryklar berildi. Sanawyň lideri bolan Günorta Koreýanyň ýaşaýjylary ortaça 106,97 ball topladylar.
Reýtingiň ilkinji üçlügini Aziýanyň ösen döwletleri eýeledi: Günorta Koreýa (106,97), Hytaý (106,48) we Ýaponiýa (106,3).
Sanawyň ilkinji onlugynda ýerleşen beýleki ýurtlar şulardyr:
- Eýran we Awstraliýa degişlilikde 104,8 we 104,45 ball bilen dördünji we bäşinji orunlary paýlaşdylar.
- Russiýa 103,78 ball bilen altynjy orunda ýerleşip, Singapurdan (103,56) we Mongoliýadan (102,61) öňe geçmegi başardy.
- Ilkinji onlugy Täze Zelandiýa (102,35) we Wietnam (102,26) tamamlady.
Amerikanyň Birleşen Ştatlary 101,04 ball bilen sanawyň 18-nji setirinde ýerleşdi. Gözlegleriň netijesine görä, iň pes intellektual görkezijiler Afrika yklymynyň käbir döwletlerinde hasaba alyndy. Reýtingiň iň soňky basgançagynda bolsa Somali ýerleşýär.
Guramaçylaryň bellemegine görä, bu gözleg dünýä ýurtlarynyň bilim we intellektual ösüş derejesini seljermäge ýardam edýär.z
