OpenAI kompaniýasy ylmy barlaglar, kurs işleri we şuňa meňzeş taslamalaryň üstünde işlemek üçin niýetlenen mugt emeli aň (EA) hyzmaty bolan Prism-i hödürledi. Bu gural ChatGPT ulanyjylarynyň ählisi üçin elýeterli bolup, ol GPT-5.2 modeli bilen utgaşdyrylandyr.
Kompaniýa Prism-iň adamyň ornuny tutmak üçin däl-de, eýsem oňa kömek etmek üçin döredilendigini aýratyn belleýär. OpenAI bu täze hyzmaty programmistler üçin niýetlenen Cursor we Windsurf ýaly gurallar bilen deňeşdirýär; olar işiň netijeliligini ýokarlandyrýar, ýöne ony dolulygyna özbaşdak ýerine ýetirmeýär.
"Meniň pikirimçe, 2026-njy ýyl emeli aň we ylym üçin edil 2025-nji ýylyň EA we programma üpjünçiligini işläp düzmek üçin bolşy ýaly ähmiýetli ýyl bolar" diýip, OpenAI kompaniýasynyň ylmy ugurlar boýunça wise-prezidenti Kewin Weýl belledi.
Prism-iň işe girizilmegi ylmy soraglaryň sanynyň artmagy bilen baglanyşyklydyr. Kompaniýanyň maglumatlaryna görä, ChatGPT-ä takyk ylymlar ugrundaky çylşyrymly temalar boýunça hepdede ortaça 8,4 million habar gelip gowuşýar, emma olaryň näçesiniň professional barlagçylardygyny anyklamak kyn bolup galýar. Prism LaTeX formatynda ýazuw ulgamyny goldaýar. Adaty redaktorlar bilen deňeşdirilende has giňişleýin funksiýalar toplumyny hödürleýär. arXiv ylmy makalalar hyzmatyna birikdirilen we çeşmeleri awtomatiki usulda saýlaýar.
Garalamalary shemalara we diagrammalara öwürmek üçin GPT-5.2-niň wizual ukyplaryny ulanýar.
