WhatsApp messenjerinde ulanyjylaryň howpsuzlygyny güýçlendirmek üçin niýetlenen «hasaby berk sazlamak» atly täze funksiýa işe girizildi. Bu täzelik çylşyrymly kiberhüjümlerden goranmaga gönükdirilendir, emma onuň işjeňleşdirilmegi hyzmatyň adaty işini bölekleýin çäklendirip biler.
Işläp düzüjiler gizlinligiň, adatça bolşy ýaly, «parran şifrleme» (end-to-end encryption) arkaly üpjün edilýändigini nygtadylar. Goşmaça howpsuzlyk çäreleri köpçülige mälim şahsyýetler we žurnalistler üçin göz öňünde tutulandyr. Bu režimi gizlinlik sazlamalarynyň «Giňişleýin» (Advanced) bölüminde işjeňleşdirip bolýar. Bu opsiýa açylanda, programmanyň umumy işine täsir edip biljek iň berk çäklendirmeler ulanylýar.
Mundan başga-da, hyzmatyň wekilleri Rust programmalaşdyrma diline geçilýändigini mälim etdiler. Bu karar hatlary, suratlary we wideo materiallary içaly programma üpjünçiliklerinden goramak maksady bilen kabul edildi.
Ýatlap geçsek, ýaňy-ýakynda Telegram-yň esaslandyryjysy Pawel Durow bäsdeşiniň howpsuzlyk ulgamyndaky boşluklaryna ünsi çekip, WhatsApp-y berk tankyt edipdi.
В мессенджере WhatsApp появилась функция «строгой настройки» профиля
- 30.01.2026 15:33
- 1.4k+
