Telegram-yň esaslandyryjysy Pawel Durow WhatsApp messenjeriniň howpsuzlyk ulgamyndaky meseleleri görkezip, ony açyk görnüşde tankytlady.
«2026-njy ýylda WhatsApp-yň howpsuzlygyna ynanmak üçin doly akmak bolmaly. WhatsApp-yň "şifrlemesini" nähili amala aşyrýandygyny seljerip, biz köp sanly hüjüm wektorlaryny tapdyk» diýip, Pawel Durow X sosial ulgamynda ýazdy.
Ol mundan ozal hem bu hyzmatyň gowşak taraplaryny belläp geçip, bu barada duýdurypdy: olardan peýdalanyp, jenaýatçylar ulanyjylaryň telefonlaryndaky maglumatlara doly elýeterlilik alyp bilerler. Durowyň aýtmagyna görä, howpsuzlyk meseleleri 2017-nji ýyldan 2020-nji ýyla çenli aralykda hasaba alyndy, 2016-njy ýyla çenli bolsa WhatsApp-da maglumatlaryň şifrlemesi aslynda ýokdy.
Şuňa meňzeş pikiri Ilon Mask hem öňe sürüpdi. Ol, ulanyjylaryň hat ýazyşmalarynda ara alyp maslahatlaşan zatlary bilen bagly mahabatlary näme üçin görýändikleri baradaky soraglara jogap berende, hyzmatyň howpsuz däldigini aýdypdy.
Ýakynda awstriýaly barlagçylar WhatsApp-yň 3,5 milliard ulanyjysynyň telefon belgilerini alyp bilendiklerini habar berdiler. Olaryň 57%-inde profil suratlary, 29%-inde bolsa profildäki tekstler hem elýeterli bolup çykdy. Işiň birinji sagadynda takmynan 100 million belgi alyndy. Barlagçylar, eger bu gowşaklyk hyýanatçylykly ulanylsa, taryhdaky iň uly maglumat syzmasynyň bolup biljekdigine ynanýarlar.
