Michelin topary Şanhaýda dünýäde ilkinji «future factory» («geljegiň zawody») formatly zawody açdy. Döwrebap önümçilik hatarlary bilen enjamlaşdyrylan bu kärhana her 36 sekuntda bir teker öndürmäge ukyplydyr.
Bu taslama gönükdirilen maýa goýumlaryň möçberi 3 mlrd ýuana (takmynan, 425 mln dollar) barabar boldy. Täze zawod Hytaýda elektromobiller we gibrid ulaglar üçin tekerlere bolan ýokary islegi kanagatlandyrmaga mümkinçilik berer. Täze zawod hatda 100 tekerden ybarat kiçi sargytlary hem ýerine ýetirip bilýär, bu bolsa iri şina önümçiligi üçin seýrek bolýan ýagdaýdyr. Sanlaşdyrmagyň we awtomatizirlemegiň netijesinde sargydyň kabul edilen pursatyndan önümi ugratmaga çenli möhlet 10 günden 5 güne çenli azaldy. Bu bolsa «takyk wagtynda» modeli boýunça işleýän awtoöndürijiler üçin örän möhümdir.
Öndürilýän önümleriň takmynan 70%-i täze energiýa çeşmelerinde işleýän (NEV) awtomobiller üçin niýetlenendir. Michelin eýýäm Hytaýda NEV üçin premium teker bazarynyň 30%-den gowragyna gözegçilik edýär we ýerli awtokonsernler bilen hyzmatdaşlygy saklaýar.
Zawod dolulygyna gaýtadan dikeldilýän energiýa çeşmelerini ulanýar. Emeli aň önümçilik proseslerini dolandyrýar, logistikany kämilleşdirýär, energiýa netijeliligini ýokarlandyrýar we galyndylaryň mukdaryny azaldýar.
Michelin Hytaýda 36 sekuntda bir teker öndürýän zawody açdy
- 29.01.2026 17:40
- 4.9k+
