«Aždarhany nädip eldekileşdirmeli 2» (Как приручить дракона 2) filmini düşürmek işleri başlandy. Bu barada franşizanyň režissýory we ssenariçisi Din DeBlua surata düşüriş meýdançasyndan fotosurat bilen paýlaşyp, sosial ulgamlarda habar berdi.
«Ýene eýer üstünde! “Aždarhany nädip eldekileşdirmeli 2” filminiň düşürilişiniň birinji güni! Başdangeçirmeler başlanýar...» diýip, DeBlua suratyň aşagyndan ýazdy we klassyk gyzyl reňkde filmiň logotipiniň täze görnüşini görkezdi.
Filmiň dowamy 2014-nji ýylyň adybir multfilmine esaslanýar. Onuň wakalary birinji bölümiň ahyrky wakalaryndan bäş ýyl soň bolup geçýär. Täze bölümde esasy rollaryň birini baş gahrymanyň ejesi ýerine ýetirer. Bu keşbi ekranda kimiň janlandyrjakdygy häzirlikçe belli däl.
Filmiň dowamynda Meýson Temz, Niko Parker, Jerard Batler, Nik Frost, Julian Dennison, Bronwin Jeýms, Garri Trewaldwin we Gebriel Hauell öz rollaryna gaýdyp geler.
Filmiň premýerasy 2027-nji ýylyň 11-nji iýunyna meýilleşdirildi. Birinji bölüm geçen ýyl çykyp, prokatda öňdebaryjy filmleriň birine öwrülipdi.
«Aždarhany nädip eldekileşdirmeli 2» filmi surata düşürilip başlandy
- şu gün 16:01
- 294
