BMW kompaniýasy elektromobil ugruna geçilýän şertlerde sport modellerine mahsus sesi saklamagy meýilleşdirýär. BMW M3-niň elektrik görnüşi kapotyň aşagynda adaty hereketlendiriji bolmasa-da, benzinli hereketlendirijiniň sesini döredýär.
BMW Blog-a salgylanylýan wideoşekilde, ýokary takyklykdaky mikrofonlar arkaly BMW-niň klassik güýç gurluşlarynyň ýazga alnan sesleri görkezilýär. Geljekki model üçin “ses banky” diýlip atlandyrylýan toplum döredildi. Oňa F82 kuzowly M4 GTS-den biturbirlenen alty hatar silindrli gurluşynyň sesi, E92 nesilli M3 GTS-den atmosferaly V8-iň sesi, şeýle hem E64 kuzowly M6-da ulanylan 5 litrlik V10-nyň sesi girizildi.
Garaşylyşy ýaly, inženerler diňe ses ýazgylaryny dinamika arkaly gaýtadan ýaňlandyrmak bilen çäklenmezler. Arhiw ýazgylaryny elektrik hereketlendirijileriniň tebigy sesi bilen birleşdirýän çylşyrymly ses ulgamyny döretmek meýilleşdirilýär.
Elektrikleşdirilen BMW M3-niň ilkinji görkezilişi indiki ýylda garaşylýar. Resmi däl maglumatlara görä, awtomobil 108,7 kWt sag sygymly akkumulýatora we dörde golaý elektrik hereketlendirijisine eýe bolar. Benzinli M-seriýa modellerini iň bärkisi, 2028-nji ýyla çenli çykarmak meýilleşdirilýär.
