Amerikanyň Microsoft korporasiýasy Microsoft 365 platformasyna täze funksiýany goşmagy meýilleşdirýär. Ol iş berijilere iş wagtynda işgärleriniň nirededigini Teams arkaly yzarlamaga mümkinçilik berer.
Şahsy durmuşa gatyşmak bilen bagly jedeller sebäpli, bu täzeligiň girizilmegi ýanwar aýyndan mart aýyna süýşürildi.
Teams goşundysy gurnalan enjam korporatiw Wi-Fi ulgamyna birigen pursadynda ulanyjynyň iş ýerini, hatda haýsy binadalygyna çenli awtomatik usulda anyklap biler. Eger işgär korporatiw ulgamdan daşarda işleýän bolsa, bu ýagdaý hem hasaba alnar we maglumatlar iş berijä elýeterli bolar. Işgäriň korporatiw däl islendik ulgamdan Teams we Outlook-a girmegi bolsa, onuň iş ýerinde däldiginden habar berer.
Kompaniýa ýerleşýän ýeriňi anyklamak funksiýasynyň meýletin boljakdygyny we onuň adaty ýagdaýda öçürilgi durjakdygyny belleýär. Iş güni tamamlanandan soň, ýerleşilýän ýer baradaky maglumatlar täzelenmez. Funksiýany işe girizmek baradaky karary korporatiw ulgamlaryň administratorlary kabul ederler, işgärleriň razylygyny almak borjy hem olaryň üstüne ýüklenilýär.
Microsoft Teams iş berijilere işgärleriniň nirededigini görkezer
- 26.01.2026 21:51
- 1.6k+
