Nintendo kompaniýasy «Super Mario: Galaktika kinosy» («Супер Марио: Галактическое кино») multfilminiň uly treýlerini tanyşdyrdy. Doganlar Mario we Luijiniň täze başdangeçirmeleri baradaky bu animasion filmiň dowamynyň ilkinji görkezilişi 1-nji aprelde bolar.
Täze bölümde gahrymanlara «elhenç» synaglar garaşýar.
Multfilmiň sýužeti boýunça Mario we onuň dostlary Bowzer-kiçi bilen ýüzbe-ýüz bolýarlar. Ol öz kakasyny azat etmegi we bütin şalygy öz golastyna almagy maksat edinýär.
Treýlerde Mario äleminiň iň meşhur gahrymanlarynyň biri bolan Ýoşi ilkinji gezek görkezildi.
Baş gahrymanlaryň seslerini ýene-de öňki filmde işlän aktýorlar ýerine ýetirdiler: Kris Pratt — Mario; Jek Blek — Bowzer; Anýa Teýlor-Joý — Şazada Piç. Şeýle hem Bri Larson — Rozalinanyň, Benni Sefdi bolsa Bowzer-kiçiniň keşbine ses berdi.
