European Best Destinations (EBD) guramasynyň düzen reýtingine görä, Kipriň paýtagty Nikosiýa şäheri 2026-njy ýylda syýahatçylar üçin Ýewropanyň iň gowy medeni ugry diýlip ykrar edildi. Bu barada Travel Tomorrow neşiri habar berýär.
Reýtingi düzen hünärmenler bu şäheriň özünde baý taryhy miras bilen medeniýete döwrebap çemeleşmeleri birleşdirýändigini bellediler.
«Taryhy we innowasiýalary, döredijiligi we jemgyýetçilik gatnaşygyny, däp-dessurlary we batyrgaý medeni maksatnamalary utgaşdyrýan Nikosiýa, bu günki günde Ýewropanyň iň özboluşly medeni merkezleriniň biri hökmünde çykyş edýär» diýip, EBD-niň wekilleri belleýärler.
Sanawda ikinji orny Florensiýa (Italiýa), üçünji orny bolsa Wena (Awstriýa) eýeleýär.
Ilkinji onluga şeýle hem Belgiýanyň Lewen, Horwatiýanyň Şibenik, Italiýanyň Werona, Portugaliýanyň Tomar, Fransiýanyň Ruan, Beýik Britaniýanyň Oksford we Awstriýanyň Gras şäherleri girdi.
Barlagyň netijeleri 131 ýurtdan 22 müň syýahatçynyň ses bermegi esasynda jemlendi. Nikosiýa mümkin bolan 20 baldan 18,6 bal toplap, iň ýokary görkezijini gazandy.
Kipriň paýtagty 2026-njy ýylda Ýewropanyň esasy medeni ugry diýlip ykrar edildi
- 26.01.2026 04:13
- 2.3k+
