Fornite oýnunda «Ofis» serialynyň gahrymanlary peýda boldy

Fortnite oýnunda «Ofis» («The Office») komediýa serialy bilen bilelikdäki kollaborasiýa peýda boldy. Oýunçylar üçin sitkomdaky gahrymanlaryň keşpleri we ýörite oýun esbaplary elýeterli edildi.
Bilelikdäki taslama 24-nji ýanwarda başlandy. Şol gün Fortnite-iň resmi saýtynda we sosial ulgamynda «Ofis» serialy bilen baglanyşykly täze keşpler hem-de aksessuarlar tanyşdyryldy. Bu toplum diňe 31-nji ýanwara çenli elýeterli bolar.
Taslamanyň çäklerinde oýunçylar Maýkl Skottuň we Duaýt Şrutuň keşplerini satyn alyp bilerler. Şeýle-de oýunda serialyň stilinde bezelen we onuň  täsirli pursatlaryny ýatladýan esbaplar hem peýda boldy.

Toplum «Office Bundle» ady bilen hödürlenýär. Onuň bahasy takmynan 3 000 V-Bucks-a barabardyr (V-Bucks — bu Fortnite oýnunyň içindäki pul birligi bolup, ol oýnuň dükanyndan hakyky pul arkaly satyn alynýar).
Hyzmatdaşlyk Fortnite-iň «Chapter 7 Season 1» çäklerinde amala aşyrylýar. «Epic Games»  bu möwsümde oýna tematiki keşpleri goşmagy we meşhur filmler, seriallar hem-de beýleki tanalýan brendler bilen hyzmatdaşlyk etmegi dowam etdirýär.
Oýunlar üçin beýle hyzmatdaşlyk indi adaty zada öwrülip barýar. Ýakynda PUBG Mobile mobil oýny «Kesgir gaşlar» («Острые козырьки») teleserialy bilen şuňa meňzeş «oýun edipdi».