«Tagt oýunlarynyň» täze prikweli bolan «Ýedi patyşalygyň rysary» serialy ilkinji üç günde hemme platformalarda 6,7 million tomaşa gazandy. Serial eýýäm ikinji möwsüm üçin uzaldyldy. Bu barada Variety žurnalynda habar berilýär.
HBO-nyň maglumatyna görä, bu serial HBO Max striming hyzmatynyň taryhynda çykan badyna iň köp tomaşa edilen üç sany proýektleriň sanyna girdi.
Deňeşdirip aýtsak, «Emmi» baýragynyň eýesi bolan «Pitt» serialynyň birinji möwsümi ilkinji üç günde 5,4 million tomaşaçyny özüne çekipdi. «Senagatyň» («Индустрия») dördünji möwsümine şol döwürde 800,000 adam tomaşa etdi.
«Ýedi patyşalygyň rysary» Jorj R.R. Martiniň rysar Dunk we onuň ýarag göterijisi Egg baradaky powest esasynda döredildi. Serialda baş keşpleri Piter Kleffi we Dekster Sol Ansell janlandyrýarlar. Birinji möwsüm alty bölümden ybarat.
Serialyň awtorlary Jorj R.R. Martin we Aýro Parker onuň ýerine ýetiriji prodýuserleri hökmünde-de çykyş etdiler. Parker üstesine serialyň şouranneri hökmünde-de işledi. Proýekte Ouen Harris we Sara Adina Smit režissýorlyk etdiler.
«Ýedi patyşalygyň rysary» serialy ilkinji üç günde 6,7 million gezek görüldi
- 25.01.2026 17:53
- 2.7k+
