Volkswagen kompaniýasy Hytaýda özüniň flagman wnedorožniginiň täzelenen görnüşini tanyşdyrdy. Touareg 2026 3.0 TSI Elite diýlip atlandyrylýan bu modeliň bahasy 756 000 ýuan (takmynan 108 400 amerikan dollary) bolup, ol diňe Hytaý bazary üçin niýetlenendir.
Awtoulag Obsidian Black Sport Package dizaýn bukjasy bilen üpjün edildi. Bu bukja gara reňkli R-stilli bamperleri, aýnalarynyň gara jäheklerini, aýna korpuslary we üçek reýlingleri, IQ.LIGHT HD matrisa faralaryny we 21 dýuýmlyk gara reňkli Leeds ýeňil erginden ýasalan diskleri öz içine alýar.
Awtoulagyň içki giňişligi iň döwrebap enjamlar bilen üpjün edilen:
- 15,05 dýuýmlyk ekranly Discover Pro multimedia ulgamy;
- 12 dýuýmlyk sanly gurallar paneli;
- 18 ugurda elektrik arkaly sazlanýan öň oturgyçlar;
- 30 reňkli interýer yşyklandyryşy;
- Dört zolakly howa gözegçiligi (klimat-kontrol) we açarsyz giriş ulgamy;
- Elektrikli açylýan ýük bölüminiň gapysy we Dynaudio Consequence audio ulgamy.
2026-njy ýylyň Touareg modeli kuwwatly tehniki binýada eýedir. Onda 340 at güýjüni öndürýän 3,0 litrlik V6 benzinli hereketlendiriji, 8 tizlikli ZF awtomatiki guty, torsen merkezi differensially 4Motion doly çekiji ulgam, 5 derejeli beýiklik sazlamasy bolan adaptiw pnewmatik (howa) asma ulgamy, 8 sany sürüş režimi we gijeki görüş ulgamy (Night Vision) bar.
