Crocs kompaniýasy Lego gurnamasynyň bölegi görnüşinde sabo aýakgaplaryny çykardy

Crocs we Lego kompaniýalary bilelikde konstruktor bölekleriniň ulaldylan görnüşinde taýýarlanan sabo aýakgaplaryny çykardy. Täze önüm çagalar we ulular üçin kolleksion aýakgap hökmünde satylýar diýip, Bloomberg habar berýär.
Sabolaryň daşky görnüşi edil uly Lego gurnamalaryndan ýygnalan ýaly görünýär. Aýakgabynyň nusgasy gönüburçly kerpiçler görnüşde bolup, ol ýaşyl hem gyzyl reňkli nusgada hödürlenýär. Aýakgabyň bir tarapynda Lego nyşanynyň stilinde ýerine ýetirilen gyzyl Crocs logotipi, beýleki tarapynda bolsa konstruktory öndürijiniň öz logotipi ýerleşdirilipdir.
Seljerijileriň bellemegine görä, Crocs bu ädimi bilen täze alyjylar köpçüligini özüne çekmegi maksat edinýär. Pandemiýa döwründe bu brend amatly we elýeterli aýakgaplary bilen giň meşhurlyk gazanypdy. 2022-nji ýylda kompaniýanyň girdejisi 54% ýokary galdy. Emma soňra ýagdaý üýtgedi: çaklamalara görä, 2025-nji ýylyň dördünji çärýeginde girdejiler 7,5% azaldy. Lego bilen hyzmatdaşlygy brendiň ýene maliýe görkezijilerini gowulandyrmaga kömek etjekdigine garaşylýar.

Crocs kompaniýasynyň prezidenti Enn Melman iki kompaniýanyň hem muşdaklarynyň meňzeş taraplarynyň bardygyny belläp geçýär.
Täze nusga Pariždäki moda hepdeliginde görkezildi, ony meşhur reper Tommi Keş geýip görkezdi.

Sabolar 16-njy fewralda satuwa çykarylar. Ilki bilen diňe ulular üçin niýetlenen ölçegdäki aýakgaplar elýeterli bolar.
Aýakgabyň iň arzany 150 dollardan satylýar.