Dört gezek “Uly tuwulga” ýaryşlarynyň çempiony we dünýäniň 1-nji belgili tennisçisi belarusly Arina Sobolenko Gucci italýan modalar öýüniň ilçisi boldy. Hyzmatdaşlygyň ýola goýlandygy barada brendiň metbugat gullugy sosial mediada habar berdi.
Habarda: "Arina, Gucci-niň maşgalasyna hoş geldiňiz!", - diýlipdir.
27 ýaşly türgen modalar öýüniň täze mahabat kampaniýasynyň ýüzi boldy. Çap edilen suratlarda Sobolenkonyň adatdakysy ýaly sport eşiginde däl-de, Gucci-niň soňky çykaran eşik toplumyndan alnan balahon-halatda tennis oýnaýandygy görkezilýär. Ýaýylyp goýberilen saçy we brendiň şaý-sepleri onuň keşbiniň üstüni ýetirýär.
Gucci dünýädäki iň gymmat moda brendleriniň biri hasaplanýar. Ýeri gelende, moda öýi bilen şertnama baglaşan tennisçileriň arasynda dört gezek “Uly tuwulga” ýaryşynyň çempiony we dünýäniň ikinji raketkasy bolan italýan türgeni Ýannik Sinneriň hem bardygy belläp geçmeli.
