Günorta Koreýa AI äleminde ilkinji toplumlaýyn «Emeli aňyň esasy kanunyny» kabul etdi. Bu barada The Wall Street Journal gazeti hökümetiň beýanatyna salgylanyp habar berdi.
Kanun alty bölümden we 43 maddadan ybarat. Onuň maksady raýatlary goramak we emeli aň ulanylyşynda «ynam binýadyny» döretmekdir. Kanun hususy ulanyjylaryň hereketlerini düzgünleşdirmegi maksat edinmeýär.
Kanun agyz suwunyň önümçiligi we ýadro desgalaryny dolandyrmak ýaly adam howpsuzlygyna täsir edýän ugurlarda emeli aňyň ulanylyşy baradaky maglumatlaryň açyk bolmagyny talap edýär. Talaba görä, kompaniýalar AI ulgamlarynyň nähili karar kabul edýändigini düşündirmelidir we muňa adamyň goşulyşmak ähtimallygyny göz öňünde tutmalydyr.
Mundan başga-da, hyzmat AI algoritmler bilen işleýän bolsa, ulanyjylar habarnamalary almalydyrlar. Bu düzgün, mysal üçin, karz alyjylary we işe dalaşgärleri bahalandyrmak maksatly ulgamlara degişlidir. Olar AI tarapyndan döredilen, emma hakyky ýaly bolup görünmegi mümkin bolan mazmuna bellik etmelidirler.
Kanun ýurtda emeli aňyň ösüşine goldaw bermek üçin çäreleri hem göz öňünde tutýar. Düzgün bozmalar üçin 30 million günorta koreýa wonuna (takmynan 20,400 dollar) çenli jerime we düzediş buýrugy bilen jeza berilýär.
Häkimiýetler täze kanuna geçiş döwri üçin bir ýyldan az bolmadyk möhlet kesgitlenildi.
