Kia kompaniýasy ilkinji gezek 2021-nji ýylda Günorta Koreýada peýda bolan Niro krossoweriniň täze wersiýasy bilen tanyşdyrdy. Restaýlingden soň modeliň daşky görnüşi indi Kia-nyň elektrik awtoulaglaryna meňzedildi.
Awtoulagyň öňünde indi täze gabaraly bamper, doly täzeden işlenen faralar ýerleşdirildi, yzky tarapynda bolsa awtomobil belgisiniň durýan ýeri we bagažnigiň gapysy üýtgedildi. Çyralary çalşylsa-da, bumerang görnüşini saklap galdylar. Şeýle-de, täze 18 dýuýmlyk teker diskleri hem peýda boldy.
Salonda iki sany 12,3 dýuýmlyk ekranlar saklanyp galdy, ýöne olar has ykjamlandy we täzelenen grafika bilen üpjün edildi. Rul indi iki spisaly, ýokarky we aşaky taraplary çyrpylan görnüşe eýe boldy, ýolagçy tarapdaky dolandyryş paneli bolsa täzeden işlenip düzüldi.
Kia mart aýynda bu restaýling barada has giňişleýin maglumatlary ýetirmegi söz berdi. Häzirki model 141-183 aralygyndaky at güýjüni öndürýän 1,6 litrlik hereketlendirijileri bolan gibrid görnüşlerinde, şeýle hem 204 at güýjüni öndürýän, ýöreýiş ätiýaçlygy 407 km bolan (EPA-nyň aýlawy boýunça) doly elektrik görnüşinde hödürlenýär.
Kia kompaniýasy Niro krossoweriniň durkuny täzeledi
- düýn 20:13
- 991
