Samsung 2025-nji ýylyň jemi boýunça Hindistanda iň uly smartfon üpjün edijisi hökmünde ornuny ýitirdi. Ol öňdebaryjylygy Vivo kompaniýasyna berdi diýip, Omdia agentligi habar berýär. Günorta koreý öndürijisiniň paýy 25,7 mln smartfondan 23 mln smartfona çenli azaldy, üpjünçilik 11% pese gaçdy.
Analitikleriň maglumatlaryna görä, Vivo Hindistanda bazara 32 mln smartfon iberdi, ýyllyk hasabynda ösüş 19% boldy.
Öňdebaryjylaryň üçlügini Oppo jemleýär. Ol üpjünçiligini 10%, 20 mln smartfona çenli artdyrdy. Dördünji orunda bäsdeşleriň arasynda görkezijileriň iň ýokary pese gaçyşyny görkezen Xiaomi ýerleşdi: brendiň üpjünçiligi 26%, bir ýyl ozalky 26,6 mln bilen deňeşdirilende 19,7 mln smartfona çenli azaldy. Bäşligi 28% ösüş görkezen Apple kompaniýasy jemleýär.
Bilermenler Samsung-yň ornunyň gowşamagyny arzan we orta bahaly modellere islegiň pes bolmagy bilen baglanyşdyrýar. Bu kategoriýalarda kompaniýa alyjylara başlangyç baha segmentinde has döwrebap çözgütleri hödürlän Oppo we Vivo tarapyndan güýçli bäsdeşlik bilen ýüzbe-ýüz boldy.
