Geçen Roždestwo ABŞ-da gözegçiligiň taryhynda striming platformalary üçin tomaşa wagty boýunça rekordly boldy. Analitikleriň maglumatlaryna görä, baýramçylyk döwründe tomaşaçylar onlaýn kinoteatrlarda kontent görmek üçin 55,1 mlrd minut sarp etdi. Bu görkeziji bir ýyl ozalkydan 3,9 mlrd minut köpdür diýip, The Hollywood Reporter habar berýär.
Bilermenler goýlan rekordy «Gaty geň zatlar» serialynyň ahyrky bölüminiň çykmagy hem-de Milli futbol ligasynyň (amerikan futboly) oýunlarynyň üç eksklýuziw ýaýlymy bilen baglanyşdyrýar. Bu taslamalar bilelikde umumy telewizion kontentiň 22%-inden gowragyny we striming platformalarda ähli tomaşalaryň 42%-ini üpjün etdi.
Bellenilişi ýaly, 2025-nji ýylyň dekabrynda ABŞ-da umumy wideo tomaşasynda striming platformalarynyň paýy 47%-e ýetdi. Ýagny, amerikan auditoriýasy üçin elýeterli bolan ähli wideokontentiň tas ýarysy hut onlaýn platformalar arkaly görüldi.
