76-njy Berlin Halkara Kinofestiwalynyň guramaçylary şu ýylky esasy baýraklar ugrunda bäsleşjek filmleriň sanawyny yglan etdiler. Dünýäniň iň abraýly kino bäsleşikleriniň biri hasaplanýan bu festiwal 12–22-nji fewral aralygynda geçiriler.
Şu ýylky emin agzalaryna dünýä belli nemes režissýory Wim Wenders başlyklyk eder.
Festiwal owgan režissýory Şarbanu Sadatyň «Ýagşy erkekler ýok» (No Good Men) atly romantiki komediýasy bilen açylar. Film Kabul telewideniýesiniň ýeke-täk zenan operatory Naranyň ykbaly barada gürrüň berýär. Bellemeli zat, režissýor bu filmde baş keşbi hem özi janlandyrýar.
«Altyn aýy» we «Kümüş aýy» baýraklary ugrunda aşakdaky filmler bäsleşer:
- «Deňziň kenarynda», režissýory Kornel Mundruso;
- «Dao», režissýory Alen Gomi;
- «Tozan», režissýory Anke Blonde;
- «Öý hekaýatlary», režissýory Ewa Trobiş;
- «Bill Ewansy hemmeler söýýär», režissýory Grant Ji;
- «Sary harplar», režissýory Ilker Çatak;
- «Žozefina», režissýory Bet de Araužu;
- «Halas ediş», režissýory Emin Alper;
- «Şäherde ýalňyz adam», režissýorlary Tissa Kowi we Raýner Frimmel;
- «Aýalymyň agysy», režissýory Angela Şanelek;
- «Siňekler», režissýory Fernando Eýmbke;
- «Täze daň», režissýory Ýositosi Sinomiýa;
- «Nina Roza», režissýory Ženewýewa Dýulýud-Desel;
- «Deňziň şa zenany», režissýory Lens Hammer;
- «Bägül düýbüni pudamak», režissýory Karim Aýnoz;
- «Bägül», režissýory Markus Şlýaýnser;
- «Sumsum, ýyldyzlaryň gijesi», režissýory Muhammad-Saleh Harun;
- «Pyşyrdap», režissýory Leýla Buzid;
- «Wolfram», režissýory Uorwik Tornton;
- «Barymyz keseki», režissýory Entoni Çen;
- «Söýgi – bu tebil tapan guş», režissýory Anna Fitç we Benker Uaýt;
- «Gije doglan», režissýory Hanna Bergholm.
