Ýeriň golaýynda XXI asyryň iň güýçli radiasiýa tupanlarynyň biri hasaba alyndy. Günüň ýokary energiýaly bölejikleri – proton akymlary örän seýrek S4 derejesine ýetdi – bu soňky 20 ýyldan gowrak wagt bäri hasaba alynmadyk rekord derejedir diýip, Russiýanyň Ylymlar Akademiýasynyň Kosmos gözlegleri institutynyň Gün astronomiýasy barlaghanasy habar berdi.
Günüň proton akymlarynyň güýçlüligi 37 müň birlige ýetdi. Barlaghana radiasiýa tupanynyň indiki, teoretik derejesi bolan S5-iň häzirki gözegçiligiň taryhynda hiç haçan hasaba alynmandygyny belledi. XX asyrda hasaba alnan iň ýokary dereje, takmynan, 40 müň birlige ýetipdi.
Ýerdäki adamlar üçin howp ýok. Alymlar Gün bölejikleriniň planetamyzyň üstüne ýetmejekdigini, sebäbi magnit meýdanynyň we atmosferanyň Ýeri goraýandygyny belledi. Ýöne astronawtlar we polýar ugurlarda ýokary beýiklikde uçýan uçarlaryň ýolagçylary üçin töwekgelçilik saklanýar.
Esasy agram kosmos enjamlaryna düşýär. Hatda radiasiýa durnukly elektronika ulanylanda-da, şeýle ýokary proton akymlary hemralaryň ýat çiplerinde näsazlyklara, kameralarda bökdençlikleriň ýokarlanmagyna, ýyldyz trekerleriniň işinde ýalňyşlyklara, şeýle-de Gün panelleriniň netijeliliginiň peselmegine getirip biler. Müňlerçe Starlink internet hemrasy-da howp astyna düşdi.
Hadysanyň netijesinde ýiti polýar şöhlelenmeleri döredi.
