«Bars» gyrgyz futbol kluby Türkmenistanyň milli ýygyndysynyň 25 ýaşly merkezi ýarym goragçysy Teýmur Çaryýewiň transferini resmi taýdan yglan etdi.
«"Bars" futbol kluby türkmenistanly ýarym goragçy Teýmur Çaryýew bilen şertnama baglaşylandygyny şatlyk bilen habar berýär» diýlip, klubuň metbugat gullugynyň maglumatynda aýdylýar.
Transfermarkt portalynyň berýän maglumatlaryna görä, häzirki wagtda T.Çaryýew Türkmenistanyň iň gymmat bahaly futbolçysydyr. Onuň transfer bahasy 250 müň ýewro barabar diýlip baha berilýär.
Teýmur Çaryýew karýerasyna Marynyň «Energetik» klubunda başlady. Gyrgyzystan tejribesi: 2023-nji ýylda Gyrgyzystanyň «Abdyş-Ata» klubuna geçip, ol ýerde 66 duşuşyk geçirdi.
Geçen möwsümde Belarusuň «Torpeda-BelAZ» toparynda çykyş edip, 35 oýunda 1 gol geçirdi we 2 gezek asist etdi.
"Bars" kluby 2024-nji ýylyň ahyrynda döredilip, 2000-nji ýyldan bäri Gyrgyzystanyň Ýokary ligasynda Yssykgöl welaýatyna wekilçilik edýän ilkinji topar boldy. Karakol şäheriniň topary bolan «Bars» özüniň ilkinji möwsüminde (2025-nji ýylda) ýurduň çempiony bolmagy başardy.
Indiki möwsümde topar Aziýanyň ähmiýeti boýunça üçünji derejeli klub bäsleşigi bolan AFK-nyň Çagyryş ligasynda (AFC Challenge League) 2026/27 çykyş eder. Toparyň Karakoldaky öý stadiony bolan «Yntymak Arena» 3 380 tomaşaça niýetlenendir.
