Troublemaker amerikan studiýasy «Armadillo Ýunaýted» sport filmini döretmäge girişdi diýip, Variety habar berýär.
Taslamada baş keşpleri aktýorlar Antonio Banderas («13-nji söweşiji», «Ýaşaýan derim») we Denni Treho («Gün ýaşandan daň atýança») ýerine ýetirer.
Sýužet Dante Delgado atly 12 ýaşly oglan barada gürrüň berer. Onuň öz toslanan futbol topary bolup, onuň bilen ýetginjekleriň arasynda geçirilýän dünýä çempionatyna gatnaşmak üçin Rio-de-Žaneýro ugraýar.
Banderas özüni meşhur argentinaly futbolçy Diego Maradona hasaplaýan we Dante möhüm futbol hem durmuşy sapaklary berýän doňdurma satyjysy Diegony oýnar. Treho bolsa «Armadillo Ýunaýtediň» esasy garşydaşlarynyň – «Çempionlar» toparynyň tälimçisi Kokonyň keşbini ýerine ýetirer.
Filmiň režissýory Alan Jeýkobs bolar. Ony düşürmek işleri 2026-njy ýylyň martynda Tehas amerikan ştatynda başlar.
Banderas bilen Treho üçin bu ilkinji hyzmatdaşlyk däl. Ozal olar «Içalylaryň çagalary» (Дети шпионов) trilogiýasyna, şeýle-de «Çykgynsyz» (Отчаянный) we «Maçete öldürýär» (Мачете убивает) filmlerine bilelikde gatnaşdy.
