Amerikaly aktrisa Jennifer Konnelli 2014-nji ýyldan bäri Louis Vuitton brendiniň ýüzi bolup gelýär. Aktrisanyň brendiň zenan eşikleri liniýasynyň döredijilik direktory Nikolas Žeskýer bilen hyzmatdaşlygy onuň Balenciaga-da işlän döwründen başlanýar.
Mahabat suratlaryny Kass Berd surata düşürdi. Surata düşürmek işleri Fransiýanyň günortasyndaky willalaryň birinde geçirildi. Jennifer Konnelli mahabat kampaniýasynda Louis Vuitton-yň 2026-njy ýylyň ýaz-tomus toplumyndaky eşiklerden geýnip, ak ýüpek köýnekli, giň balakly, ýeňi giň switerli we manžetli şortyly dürli keşplerde çykyş edýär.
Nikolas Žeskýer kampaniýanyň maksady barada gürrüň berende, onuň üsti bilen, öz şahsy giňişligiňde duýup bolýan asuda we rahat atmosferasyny dikeltmek isländigini belledi. Onuň sözlerine görä, diňe şeýle pursatlarda oýlanmaga, dynç almaga we öz-özüň bolmaga mümkinçilik döreýär.
