«Haýwanlar şäheri 2» multfilminiň dünýädäki kassa ýygymy 1,7 mlrd dollara ýetdi, bu hem ony Golliwudyň taryhynda iň üstünlikli animasion taslama öwürdi. Multfilm bu görkezijini iki aý prokatyň dowamynda gazandy diýip, Variety habar berýär.
Içerki bazarda multfilm 392 mln dollar ýygnady.
Şeýlelikde, tilki bilen towşanyň başdangeçirmeleri baradaky multfilmiň dowamy 2024-nji ýylda 1,69 mlrd dollar gazanan «Tapmaça 2-den» öňe geçdi. Bu görkeziji ozal amerikan animasiýasy üçin rekorddy.
Şol bir wagtyň özünde, dünýä taryhynda iň girdejili multfilm «Neçža aždarhalar şasyny ýeňýär» hytaý multfilmi bolmagynda galýar. Onuň kassa ýygymy, takmynan, 2,2 mlrd dollara ýetdi, üstesine-de, girdejiniň esli bölegi Hytaýyň içerki bazarynyň paýyna düşdi.
Taryhda iň köp girdeji gazanan multfilmleriň bäşligi:
- «Neçža aždarhalar şasyny ýeňýär» – $2,2 mlrd
- «Haýwanlar şäheri 2» – $1,7 mlrd
- «Tapmaça 2» – $1,69 mlrd
- «Doňan ýürek 2» – $1,451 mlrd
- «Doganlar Super Mario kinoda» – $1,361 mlrd
