76-njy Berlin halkara kinofestiwaly owgan režissýory Şarbanu Sadat tarapyndan surata düşürilen «No Good Men» («Adamlaryň gowusy ýok») atly romantiki komediýasy bilen açylar. Bu barada festiwalyň dolandyryşyna salgylanýan Variety neşiri habar berýär.
Kino Kabulyň telewideniýe pudagynda işleýän ýeke-täk zenan operator Nara barada gürrüň berýär.
Baş keşbi režissýoryň özi — Şarbanu Sadat janlandyrýar.
Film režissýoryň özüniň awtobiografik (terjimehal) romanyna esaslanyp döredildi.
Berlinale kinofestiwalynyň ýolbaşçysy Trişa Tattle bu film barada şeýle diýdi:
«Şarbanu Sadat häzirki zaman dünýä kinosynyň iň täsirli we tolgundyryjy şahsyýetleriniň biridir. "No Good Men" filmi onuň ozalky çeper filmlerinden soň döreden uly ynamyny doly ödeýär».
Berlin kinofestiwaly 12-nji fewraldan 22-nji fewral aralygynda geçiriler. Bu ýylky emin agzalarynyň başlygy wezipesini dünýä belli nemes režissýory Wim Wenders ýerine ýetirer. Ol «Pariž, Tehas», «Berliniň asmany» we «Tüýs laýyk günler» ýaly filmleriň awtorydyr.
