Dublin 2026-njy ýylda ýekelikde syýahat edýänler üçin dünýäniň iň gowy şäheri diýlip kesigitlenildi. Irlandiýanyň paýtagty Travelers' Choice Awards reýtinginde birinji orna mynasyp boldy. Sanaw Trip Advisor tarapyndan çap edildi.
Seljermelerde şäheriň taryhy binagärligi we baý edebi mirasy dostlukly atmosfera bilen utgaşdyrýandygy bellenilýär. Şeýle hem, şäheriň pyýada hereket etmek üçin oňaýlydygy nygtalýar. Bu bolsa bir günde birnäçe ähmiýetli ýerleri görmäge mümkinçilik berýär.
Maslahat berilýän owadan ýerleriň arasynda şäheriň merkezi hasaplanýan Keramatly Patrik ybadathanasy, Dublin galasy we Triniti kollejiniň şäherçesi bar.
Dublinde köp sanly muzeýler hem bar. Olaryň käbirine, mysal üçin, Çester Bitti muzeýine mugt girip bolýar. Hödür edilýän aşpezlik teklipleri býujetleriň islendik görnüşine laýyk gelýär.
Şäheriň 43 sany Mişlen ýyldyzly restoranlarynyň haýsy-da bolsa birinde tagam menýusyny dadyp görmek ýa-da ömrüňizdäki iň süýji balykly tagamy hem çipsleri iýmek üçin paba baryp bilersiňiz diýip, maglumatda belleýärler.
Dublin şeýle hem balykçylar obasy bolan Houta bir günlük syýahatlar üçin oňaýly başlangyç nokady hasap edilýär.
2026-njy ýylda ýekelikde syýahat etmek üçin dünýäde iň gowy 10 şäher:
- • Dublin (Irlandiýa);
- • Berlin (Germaniýa);
- • London (Angliýa);
- • Santýago (Çili);
- • Edinburg (Şotlandiýa);
- • Nýu-Ýork (ABŞ);
- • Hanoý (Wýetnam);
- • Madrid (Ispaniýa);
- • Bali (Indoneziýa);
- • Keýptaun (Günorta Afrika).
