«God of War» («Бог войны») wideo oýnuny ekranlaşdyrýan Amazon onuň serial görnüşinde spartanly uruş hudaýy Kratosyň keşbini Raýan Herstiň janlandyrjakdygyny yglan etdi.
Täze taslama Wankuwerde deslapky önümçilik tapgyrynda we häzirki wagtda onuň kastingleri dowam edýär. Surata düşürmek işleri entek fewral aýynda başlamaly bolsa-da, Amazon serialy eýýäm ikinji möwsüme çenli uzaltdy. Filmiň ilkinji iki bölüminiň režissýory hökmünde Frederik E. O. Toýe tassyklanyldy.
Raýan Herst Opi Uinstonyň «Anarhiýanyň ogullary» («Сыны анархии») serialyndaky döreden keşbi, şeýle-de «Titanlary ýatlap» («Вспоминая Титанов») serialyndaky Gerri Bertýeriň keşbi bilen tanalýar. Ol mundan öň «God of War» franşizasy bilen işleşip, «God of War Ragnarýok» oýnunda Tory seslendiripdi we 2022-nji ýylda BAFTA-nyň «Iň gowy ikinji derejeli aktýor» baýragyna dalaşgär hökmünde görkezilipdi.
Habarlara görä, islandiýaly aktýor Olafur Darri Olafsson hem taslamada keşp janlandyrmak üçin gepleşikler geçirýär. Onuň serialda Toruň keşbini janlandyryp bilmegi mümkin.
«God of War» Santa Monica Studio tarapyndan işlenip düzülen we Sony tarapyndan goýberilen köp seriýaly wideo oýundyr. Ol gadymy grek we skandinawiýa mifologiýasynyň dünýälerinde hudaýlar we mifiki jandarlar bilen söweşýän urşujy Kratosyň keşbini açyp görkezýär. Şeýle-de oýun gandöküşikli wakalary we epik beýany bilen bellidir.
