HBO Max podkastynda çykyş eden Jorj Martin 18-nji ýanwarda «Ýedi patyşalygyň rysary» atly prikweliň çykmagyndan öň «Tagt oýunlarynyň» çygryny hem giňeltmek baradaky meýilnamasynyň bardygyny paýlaşdy.
The Hollywood Reporter gazetiniň habaryna görä, awtor öz gürrüňiniň dowamynda rysar Dunkuň hem onuň ýarag göterijisi Eggiň tälim alyşlary we geljekde olara nämäniň garaşýandygy hakyndaky täze başdangeçirmeleriň üstünde işleýändigini ýaňzytdy.
Martin öz nowellalaryny «Ýedi patyşalygyň rysary» üçin biraz üýtgedip, sýužetleri has ynandyryjy görnüşe getirdi. Tomaşaçylar Uly Dunkanyň (Piter Klaffi) we Eggiň (Dekster Sol Ansell) Targariýenleriň we Demir täjiň hökümdarlygy döwründe Westerosda syýahat edýän wagtyndaky başdan geçirmelerini görerler.
Martin täze serialda wakanyň «Tagt oýunlary» filmindäki ýaly birnäçe däl-de, diňe bir gahryman tarapyndan gürrüň berilýändigini belledi. Onuň pikiriçe, şeýle çemeleşme dünýäni has çuňňur öwrenmäge we ünsi belli bir gahrymanlara gönükdirmäge mümkinçilik berip, wakanyň has düşnükli we duýgy taýdan täsirli bolmagyna şert döredýär.
