Lenovo kompaniýasy birnäçe täze önümlerini hödürledi, olaryň arasynda, esasan hem, ThinkBook Plus Gen7 Auto Twist noutbugy aýratyn ünsi çekýär. Ilkinji gezek 2024-nji ýylda diňe bir konsept (taslama) hökmünde görkezilen bu model indi köpçülikleýin önümçilige goýberildi.
Enjamyň iň esasy aýratynlygy — onuň motorlaşdyrylan şarniridir. Onuň kömegi bilen ekran ulanyjynyň gatyşmazdan, awtomatiki usulda 180 gradus aýlanyp bilýär. Lenovo-nyň düşündirişine görä, bu funksiýa wideogürleşikler we maslahatlar üçin örän peýdalydyr: eger ulanyjy ýerinden turup gapdala geçse, noutbugyň ekrany ony "yzarlap", awtomatiki aýlanar we ulanyjynyň elmydama kadryň içinde galmagyny üpjün eder. Şeýle-de, ekranyň egilme derejesini sazlap bolýar, doly ýazylan ýagdaýynda bolsa noutbuk planşete öwrülýär.
ThinkBook Plus Gen7 Auto Twist-iň tehniki häsiýetnamalary:
- Prosessor: Core Ultra 3;
- Displeý: 14 dýuýmlyk OLED, 2.8K durulygynda (bu displeý CES 2026 sergisinde görkezilen täze önümler üçin standart görkezijidir);
- Operatiw ýat (RAM): 32 GB-a çenli;
- Akkumulýator: 75 Wtç;
- Kamera: 10 megapiksel;
- Agramy: 1,4 kg.
Noutbuk, şeýle-de, Thunderbolt 4 portlary, dört sany mikrofon, dört sany dinamik we Wi-Fi 7 tehnologiýasy bilen üpjün edilen.
ThinkBook Plus Gen7 Auto Twist modeliniň satuwy iýun aýynda başlar we onuň bahasy 1 650 dollardan başlanar.
