Miu Miu deri önümini emeli usulda köneltmek usulyna bagyşlanan «Könäni döretmek» («Making of Old») taslamasyny işe girizdi. Kampaniýanyň çäginde brend täze önümleriň nähili gadymy görnüşe eýe bolýandygyny jikme-jik görkezýär.
Usul ýokary hilli derini saýlamakdan we onuň aýratynlyklaryny öwrenmekden başlanýar. Senetkärler çig maly ýekän-ýekän el bilen işläp çykýarlar. Olar ilki deriniň ýüzüni owkalaýarlar, soňra bolsa ony ýuwýarlar we könelen görnüşi döretmek üçin çotgalary ulanýarlar. Birnäçe tapgyrdan ybarat bolan bu iş wagt we eserdeňlik talap edýär.
Bu usul brendiň dürli önümlerini, şol sanda aýakgaplary, Arcadie, Pocket we Wanderer nusgaly torbalaryny, şeýle hem kurtkalary, bomberleri we kelte şortlary döretmekde ulanylýar. Bularyň islendigini döretmek işinde-de şol bir çemeleşme – senetçilik endikleri we Miu Miu-nyň öz oýlap tapan usullary ulanylýar.
«Könäni döretmek» («Making of Old») taslamasy brendiň gadymy estetikany nazarda tutup, iň ownujak zatlara hem üns bermek arkaly berk we ýokary hilli önümleri öndürmek pelsepesine eýerýändigini görkezýär.
