Bütindünýä pişikler federasiýasy 2025-nji ýylyň iň owadan pişikleriniň reýtingini hödürledi. Sanawda birinji orny Russiýadan Darlen Fler Dalmor Blek atly abissiniýa pişigi eýeledi.
Pişik 19 726 bal gazandy. Ol bir ýarym ýaşynda. 2025-nji ýylyň dowamynda pişik 51 sergä gatnaşyp, olardan 45-isinde ýeňişli utuklary gazandy.
Ikinji orny 18,5 müň bal bilen Tailanddan salpygulak Şotlandiýa pişigi eýeledi. 2025-nji ýylda ol 54 sergä gatnaşyp, olaryň her birinde utuk gazandy. Pişigiň ýaşy 2 ýyla golaý bolup, onuň dünýä çempiony tituly bar.
Üçünji orna Belarusdan gysga tüýli britan pişigi mynasyp boldy. Ol 18,2 müň bal gazandy. Ol 6,5 ýaşynda we dünýä çempionydyr. 2025-nji ýylda pişik 50 töweregi sergä gatnaşdy.
Reýtingde jemi 1 496 pişik bar.
