Android 17 operasion ulgamynyň beta görnüşinde ulanyjynyň gizlinligini goramaga niýetlenen täze funksiýa ýüze çykaryldy. Ol ulanyjylara ekrana çykýan penjirelerde habarnamalaryň görkezilişini sazlamaga mümkinçilik berýär diýip, GizChina portaly habar berýär.
Bu funksiýanyň peýda bolmagyny ulgam kodunda – app_locked_new_notification we app_locked_notification_message elementleriniň bardygy we ulanyjylara bildirişiň mazmunyny beýleki programmalardan ýaşyrmaga mümkinçilik berýän mehanizmiň işlenip düzülendigini aňladýar.
App Lock funksiýasynyň bir bölegi hökmünde ulgamyň bildiriş tekstini we iberiji maglumatlaryny «täze habarnama» ýaly neýtral bellik bilen çalşyrmagyna garaşylýar. Bu smartfonyň ekranynyň daş-töwerekdäkilere görnüp biläýjek ýeri bolan jemgyýetçilik ulaglarynda ýa-da köpçülik ýerlerinde şahsy maglumatlara elýeterliligi çäklendirer.
Google bu aýratynlygyň ornaşdyrylandygyny heniz resmi taýdan yglan etmedi. Şeýle-de bolsa, onuň Android 17 beta wersiýasynda bolmagy OS-iň soňky wersiýasyna goşulmak ähtimallygynyň ýokarydygyny görkezýär.
