ABŞ-nyň öňki Prezidenti Jo Baýden ýurduň öňki Prezidentleriniň taryhynda iň ýokary döwlet pensiýa hakyny – ýylda 417 müň dollar alýar. Bu barada The New York Post (NYP) tabloidi habar berýär.
Bellenilişi ýaly, bu mukdar onuň Prezident wezipesindäki zähmet hakyndan 17 müň dollar köp we ABŞ-nyň öňki Prezidenti Barak Obama üçin kesgitlenen pensiýadan tas iki esse köpdür.
Milli salgyt töleýjiler gaznasynyň wise-prezidenti Demian Bredi 83 ýaşly demokratyň uly mukdardaky töleginiň onuň uzak dowam eden syýasy karýerasy bilen baglanyşyklydygyny aýdýar.
Umuman alanyňda, Baýden Senatda we wise-prezident wezipesinde 44 ýyl zähmet çekdi, şonuň üçin onuň iki döwlet pensiýa gaznasyndan töleg almaga hukugy bar.
«Baýden pensiýada häzirki Prezidentden köp gazanýar. Bu üýtgeşik ýagdaý, ýöne muňa garamazdan, ýagdaý häzirki töleg ulgamyna gaýtadan seretmelidigini görkezýär. Kongress geljekde şeýle gözçykgynç pensiýa töleglerine ýol bermezlik üçin muňa üns bermeli» — diýip, Bredi aýtdy.
2025-nji ýylyň ýazynda Jo Baýdende erkeklik jyns mäziniň düwnük keseliniň agressiw görnüşi ýüze çykaryldy. Mundan başga-da, 2023-nji ýylyň fewralynda ol bazaliomany – deridäki howply täze emele gelmeleri aýyrmak üçin operasiýa geçirdi.
